✨ماده الكيمياء✨

https://www.facebook.com/share/T7Saxe7xCi4tjneK/?mibextid=xfxF2i

هقولكم تذاكروها ازاي ومين الدكاترة الاول

عندكم ف الترم الاول د يوسف و د رباب انا كنت بحضر ل د رباب و مراجعه نع د يوسف بصراحه كان لذيذ وبيهون عل الواحد كده ب اسلوبه وعندك سكر قسم كيميا د هويدا ف العضوية بجد رهيبة ي جماعه وبتفهم و بتشرح هي سريعه شوية لكن لو وقفتو ف حاجه م بتسيب حد م فاهم و بتقعد شوية بعد المحاضرة لأي سؤال و ف الجروب و الواتس بترد علينا

طريقة المذاكرة : خليكم واثقين ف نفسكم حتى لو الكم كبير ف هما اكيد عارفين انه كبير م حاطينه ع يضايقوكم ابدا والله ف بلاش شكوة بلا سعي يعني الاول أسعى انك تذاكر مرة و تفهم مرة و بعدين جرب تحل مثلا تعالو نجزأها

اولا : اول مرة مذاكرة بتبقى ف المحاضرة بمجرد تركيزك مع الدكتور و إنك تطبع اللي هو بيشرحع و تبص عليه بصة و تقرأه ده اول طريق ف انك تثبت ٣٠ ف المية من المحاضرة 

ثانيا : مذاكرتك انت بقى تعيد سماع الريك تشوف يوتيوب تشوف محاضرة مسجله ل دكتور تاني براحتك اهم حاجه تبقى مذاكر يعني فاهم و حافظ الأجزاء اللي بتطلب الحفظ واكتبوا اي note عايزنها ف السلايد اللي طابعينه براحتكم بجد واعرفوا مواعيد الساعات المكتبية لدكاترة وروحلهم اسألوهم عادي 

https://youtu.be/GVv_d5nxXoU

https://youtu.be/bbnKZn7IUUo

https://youtu.be/65s3tHpljBs

https://youtu.be/65s3tHpljBs

ده شرح ل د يوسف كيميا و هتلاقو قناة د هويدا عضوية عل اليوتيوب 

https://www.facebook.com/Dr.Ysf91

ده اكونت د يوسف 

ثالثا: بتذاكر تالت مرة قبل اي امتحان يعني قبل ميد او فاينل هتلاقو موقع علومنجي الجميل عليه امتحانات و الموقع الدراسي بتاع سنة اولى عليه برضو نفس الامتحانات هتلاقو ملخصات بصو عليها قبل الامتحان ي حبايب 

السعي لا يضمن حتميه الوصول إطلاقا لكن بيضمن حتميه عدم لوم نفسك أو الضغط عليها ف ان كان عندك اكتر تعمله خلي ثقتكم ف نفسكم كبيرة

✨ماده الفيزياء✨

https://www.facebook.com/share/1cnAi4S1CU62az7a/?mibextid=oFDknk

هقولكم شويه نصايح وازاى تذاكروها وهقولكم كمان مين الدكاتره اللى بتنزل ف الماده

اول حاجه فيه دكتور محمد فكرى وده اللى كنت بحضر معاه من قبل الميد ف الترم الاول لحد اخر السنه وتقريبا مفوتش ولا محاضره له وحقيقى بيشرح حلو اوى وكمان بيحل كتير وكلنا عارفين الماده ديه بتحتاج حل مسائل وتطبيق عليها ده غير أنه كان بيرد على أى اسئله خاصه بالماده على جروب الواتس وحتى لما بنبعتله برايفت كان بيرد علينا وفيه دكتور عبدالناصر وفيه دكتور عبود كتير بيشكر  فيه بس انا للامانه مجربتهوش وفيه دكتور محمد حمدى كتير بارضوك من زمايلى كانوا بيشكروا فيه بس كنت بسمع أنه مش بيحل كتير دول كانوا موجودين السنه اللى فاتت .

طريقه المذاكره : اول حاجه واهم حاجه حضور المحاضرات واللى مش هيغنيك عنها أى حاجه حقيقى

تانى حاجه وانت بتحضر مع الدكتور لازم لازم يكون معاك كشكولك وبتسجل وراه النقط المهمه صدقونى هتفرق معاكوا كتير انكوا تسجلوا ورا الدكتور اى نوتس مهمه وخصوصه ف النظرى اللى بيكون فى الفيزيكس طيب حضرنا المحاضره وسجلنا ورا الدكتور ..تروح البيت زى الشاطر تجيب سلايدات الدكتور او السبوره بتاعته تقعد تذاكرها وتلخص القوانين ف كام ورقه حلوين كده وتجمع النوتس اللى كنت كاتبها ورا الدكتور بعدها لازم لازم خطوه الحل طيب هنحل منين فيه بروبليمز الدكتور لازم تحل منها 

والصراحة ميزه دكتور محمدفكرى أنه كان بيحل بعض البروبليمز من كتاب سيرواى وكمان كان بيحل بروبليمز زياده من عنده ف لازم تحلوا كتير الكتاب كده كده بيتبعت ليكوا حاولوا تبصوا على البروبليمز بتاعته ولو فيه أى مسائل جديده الدكتور اللى بتحضر معاه محلهاش انت حاول تحلها بنفسك .. طيب لو فيه حاجه وقفت معاك لازم وضرورى تسأل فيها اوعى تتكسف أو تقول ممكن الدكتور يقول انى مش بفهم او اى كلام من اللى بييجى ف تفكيرنا لانى كنت ف الاول من النوعيه اللى بتتكسف تسأل 

ف لا بجد الدكاتره فعلا بيكونوا متعاونين وحابين انكوا تفهموا ف أى حاجه مش فاهمينها أو واقفه معاكوا اسألوا فيها الدكتور بعد المحاضره او لو فيه جروب واتس ف اسألوا عليه بارضوك .

فيه ناس مش بتعرف تحل كتير مره واحده وانا منهم ف كنت أحيانا بقسمهم على الايام كل يوم او يومين شويه مسائل 

طيب ذاكرت المحاضره وحليت كده خلاص؟

لا باقيلك حاجتين مهمين 

اول حاجه انك ضرورى تحفظ القوانين وتبص عليها اول بأول علشان  متتنسيش وهى مع الحل بتثبت .

تانى حاجه قبل المحاضره اللى جايه ما تيجى اليوم اللى قبلها مثلا 

اقعد راجع تلخيص المحاضره اللى فاتت اللى انت كنت عامله وممكن لو فيه وقت تبص على حل البروبليمز تانى.

الخطه تبان صعبه انا معاك لكن مع الوقت صدقونى بتتعودوا عليها وهتفرق معاكوا 

وانا واحده جربت الطريقه ديه قبل الميد ودخلت الميد بفضل الله قفلته. وجبت ف الماده تقديرات وف الترم التانى جبت امتياز بالطريقه ديه بجد.

واخيرا ربنا معاكم ومعاكوا ف أى استفسار يخص الماده ديه أو أى ماده.