New Stage_6 Event

بالنسبة لتسجيل الجدول والله سهل مش هتكلم دلوقتي ازاي تسجل م الموقع انت هتكون مش فاهم كدا كدا بتدوس فين ومش عارف اي لغاية ما تيجي تجرب بنفسك هتلاقي الحوار عبيط

هكلمكم ازاي تظبطوا المواعيد

-اول حاجة بتعملها ان ميكونش في فرق كبير بين السكاشن والمحاضرات

طب اي هو السكشن والمحاضرة

السكشن = التدريب او المعمل ودا ف مواد زي كيمياء وفيزياء بيكون عبارة انك بتطبق بإيدك شغل عملي يعني عشان تثبت حاجة نظرية ومادة زي الرياضة مثلا بيكون عبارة انك بتحل اسألة ع الجزئية اللي خدتها ف النظري ومواد التخصص( حيوان ونبات وهكذا ) شبه الكيمياء والفيزياء بس كل واحد تبع مجاله

المحاضرة = الشرح الطبيعي العادي مفهوش اي مشكلة

-في المواعيد اللي بتختار منها بيكون ليك مواعيد كتير

يعني هديك مثال للكيمياء

بيكون في ميعاد مثلا من ٨ ل ١١ و ميعاد من ١١ ل ٢

و عندك مثلا لو هتحط معاها النبات او ايا يكن هتحط معاها اي لنفترض ان مفيش غير ميعاد واحد للمادة دي ف اليوم دا من ٢ ل ٥ ساعتها تختار ميعاد الكيمياء من ١١ ل ٢ عشان ميبقاش في فترة كبيرة هتقعدها فاضي وتطبق بقى كدا مع كل المواد ف كل الايام

-تاني حاجة تعمل حسابها انك متجيبش مادة ليها كويز مع مادة ليها كويز

يعني عندك الكيمياء بيكون ليها شيتات ( نفس الكويز بس بمسمى تاني ) والرياضة فيها كويز و الحاسب برضة

ف تظبط ان ميكونش حاجة من التلاتة دول مع بعض ف نفس اليوم

-و اخر حاجة تراعيها هي ان ميكونش في مواد ليها فاينل عملي مع بعض ف اخر الترم

يعني عندك مواد تخصص علمي علوم اكيد اكيد ليها فاينل عملي زي نبات وحيوان وبيوفيزياء وحشرات وبرضة الفلك والجيوفيزياء والجيولوجيا

دول مينفعش السكشن بتاعهم يبقى مع التاني ف نفس اليوم عشان هيبقى عليك اتنين فاينل عملي ف نفس اليوم

وعندك الفيزياء ليها فاينل عملي برضة اكيد

لكن الكيمياء بيكون المفروض في فاينل عملي بس اتلغى السنتين اللي فاتوا وكانوا بياخدوا درجات الشيتات وبيظبطوها هما يعني

هديكم مثال لانك تكون مش عامل كويزات مع بعض او فاينل عملي مع بعض

اول يوم - سكشن فيزياء مع سكشن رياضة

تاني يوم - سكشن كيمياء مع سكشن نبات

تالت يوم - سكشن حيوان مع سكشن حاسب

دا كدا مفيش اي يوم فيه كويزين مع بعض ولا اي يوم فيه مادتين ليهم فاينل عملي يبقى كدا فل اوي

وطبعا ممكن انت تظبطها مش لازم تخلي نفس الجدول دا المهم تبقى معارضتش حاجة من اللي فوق

عندك ف النظري بيبقى في مواعيد كتير يعني بلخمس والعشر مواعيد كل اسبوع للمادة بتختار اللي انت عايزه

والنظري مبيكونش في ازمة اوي انك تحط حاجة مع التانية عشان مفيش كويزات غير بس ف الرياضة

بس ممكن بس تبقى تدي بريك ف النص لو حاطط محاضرات كتير مع بعض ودا بانك تسيب مثلا ساعة او ساعتين فاضيين

لكن لو كدا كدا ظبطها على محاضرتين بس ف خليهم ورا بعض وخلص وامشي

سيشنز الاقسام

قسم كيمياء

https://youtu.be/wKy8bsPFs64

قسم كيمياء/ميكروبيولوجي

https://youtu.be/F3EMaShdBV4

قسم حاسب & رياضة/حاسب

https://youtu.be/EdqaEgCmla4

قسم كيمياء/حيوان

https://youtu.be/yuYldR2mH6M

قسم فيزياء حيوي

https://youtu.be/cBgZBYbYhjQ

قسم كيمياء/ كيمياء حيوي

https://youtu.be/RDtlBKOTKK8

Page updated

Google Sites

Report abuse